灣仔大廈火燭 89歲男胸口插刀燒焦亡 另一男送院不治

2022年12月01日 16:22 赞好

灣仔有一棟商住大廈今日凌晨3點幾發生火警，消防到場後，發現一名89歲男子已成焦屍，胸口插住一把刀；而另一名男子昏迷，送院搶救後不治。

救護人員認為事件有可疑，警方喺現場調查後發現，二人係親戚關係，同住喺上址，兩個人身上都有刀傷。

現場係駱克道金樂大廈，消防約用咗一個鐘將火救熄，又認為火警有可疑，現場亦發現助燃劑，有幾十名住客需要疏散。