灣仔兩死命案 53歲兒疑不堪照顧壓力 桶死89歲老父後自殺

2022年12月02日 11:15 赞好

灣仔金樂大廈琴日發生火警，其中一名89歲姓劉長者被燒成焦屍，胸口更插住一把刀，單內亦有一名53歲男子昏迷後送院不治。警方調查後，發現二人胸口有刀傷，單位又有助燃劑，有報道話，二人係父子關係，懷疑嗰仔不堪照顧老父壓力，身心俱疲，殺死老父後，畏罪自殺。

據指二人喺單位居住近30年，劉翁近年因病長期卧床，一直由嗰仔照顧，但近日出現失禁情況，懷疑兒子無法承受照顧壓力，最後釀成悲劇。

劉翁胸口有6厘米插入傷口，左半身嚴重燒傷；另一死者被發現喺浴室，四肢浸喺水入面，胸口都有刺傷，懷疑畏罪自殺，最後吸入過多濃煙致死。