英國經濟學人智庫公布全球生活成本排行榜

英國經濟學人智庫公布全球生活成本排行榜，結果顯示，紐約同埋新加坡排名第一，而香港就排第四，比上年上升一位。原本上年第一名嘅以色列特拉維夫，就下跌至第三位。

智庫根據各大城市嘅商品及服務價格，整理出全球生活成本指數，調查顯示，俄烏戰爭及新冠疫情，造成各大城市生活成本上升，美元強勢亦加劇咗通脹。

而生活成本最低嘅城市，分別係敍利亞嘅大馬士革同埋利比亞嘅的黎波里。