全國多地放寬防疫　公共場所不再要求核酸證明

內地自反封控示威後，官方釋出「新冠病毒變弱」嘅訊息，全國各地開始陸續放寬防疫措施，北京、上海及鄭州等地宣布，市民出行，包括乘坐交通工具及出入公共場所，都唔再需要檢測核酸陰性證明。

北京市宣布，公共交通企業唔可以拒絕無48小時核酸陰性證明嘅乘客，各類醫療機構都唔可以拒絕無核酸檢測嘅市民求醫。

多地亦唔再開展常態化核酸檢測，實行「願檢盡檢」政策，網上熱傳多張拆除及搬離核酸檢測站嘅相，有網民更講笑話，宜家想核酸都搵唔到地方。