蒙古爆發反政府示威 民眾衝入中央政府大樓

2022年12月06日 16:03 赞好

蒙古近日爆發大規模反政府示威，有民眾不滿原本運去中國、價值18億美元嘅煤炭離奇失蹤，懷疑有官員監守自盜，蒙古首都烏蘭巴托連日爆發示威。

示威者日前發起佔領政府機構嘅行動，大批民眾聚集喺中央政府大樓「國家宮」，隨著示威者情緒越來越激烈，有人衝入政府大樓，網上片段所見，警察都阻止唔到民眾闖入大樓。

蒙古副總理呼日勒巴特爾西美達話，國有煤炭公司及國有投資公司策劃依次犯罪行動，但無提出證據。蒙古有8成6嘅出口貨品運往中國，當中有一半係煤炭。