新華社稱已過最困難時期 內媒登康復者報道稱新冠不可怕
2022年12月06日 16:32
內地近日逐漸放寬防疫措施，新華社發布時評，指出最困難嘅時期已經走過，Omicron嘅致病力減弱緊，為持續優化防控提供咗條件，而有內媒又罕見刊登新冠康復者嘅訪問，指病毒並不可怕。
《澎湃新聞》訪問咗6名新冠康復者，包括90歲老人、6歲半小童及愛滋病患者等，其中93歲嘅王婆婆話，感覺新冠一啲都唔可怕，保持良好心態，食好瞓好好重要。
路透社又引述消息，內地最快聽日會宣布新嘅十條防控措施，並計劃出年一月降低新冠嘅防控等級。
