內地公布新十條防控措施 新年假期機票搜尋急增

2022年12月07日 17:25 赞好

內地今日公布新十條防控措施，其中提到要科學精準劃分風險區域；除養老院、福利院、醫療機構及中小學等場所，唔要求核酸同埋查健康碼，跨區流動唔落地檢；無症狀及輕症居家隔離，喺第六及第7日，只要ct值低於35就解除隔離；封控地區超過5日無新確診就要解封；保障群眾買藥需求，唔可以限制買治感冒藥；加快推進老年人接種疫苗；維持社會醫療服務；嚴禁封堵小區及單位嘅門、消防通道，確保群眾可以睇病就醫；無疫情嘅學校要正常線下教學活動。

內地衛健委疫情應對處置工作領導小組專家組組長梁萬年接受訪問提到，現時已經接近恢復疫前生活狀態嘅時間，關鍵係加快接種疫苗；充分使用救治藥品等等。

新十條發布後，新年假期嘅機票搜尋量急增，反映民眾對於新措施感到樂觀。