伊朗女性獲選為《時代》雜誌年度英雄

2022年12月08日 15:23 赞好

伊朗22歲女子阿米尼早前疑無戴頭巾，被道德警察拘捕後，離奇身亡，引起全國多個月嘅示威。美國《時代》雜誌宣布，伊朗女性獲選「年度英雄」，表揚佢哋勇敢挺身而出，要求政府廢除女性著裝規定。

時代雜誌一名前記者分析，好多年輕伊朗女性走上街頭，追求正常生活，包括上大學、出國旅遊，又希望國家實施法治，佢哋參與能夠政治，自由表達意見。又有分析估計，示威者平均年齡15歲，直至3個月過後，大學校園嘅抗議仍然未止。而伊朗嘅運動，亦可能影響附近地區，令伊斯蘭國家嘅政府，唔可以忽視女性力量。

伊朗政府早前態度軟化，表明會廢除道德警察，又擬討論廢除女性必須戴頭巾嘅規定。