渣打信用卡被大規模盜用 邱達根指類似罪案越來越多

2022年12月09日 15:36 赞好

渣打近日爆發大規模盜用事件，唔少持卡嘅市民都反映，信用卡無故被盜用。消委會話，暫時接到8宗投訴，而有議員就指，類似罪案越黎越多，市場亦有好多黑市買賣數據。

渣打早前發表聲明，話正調查事件，暫時無證據顯示有資料大規模外洩，又話受影響客戶唔需要繳款被盜用嘅欠款。消委會總幹事黃鳳嫺就話，接到8宗投訴涉及8萬8千蚊，又建議持卡人報警。

立法會議員邱達根話，黑市上開始越黎越多買賣數據，令犯罪份子有機可乘，而被盜信用卡嘅交易金額不大，可能令投訴人未有留意。