老父母錘斃長期病女 社福界嘆照顧者壓力大

2022年12月12日 11:50 赞好

慈雲山慈樂邨琴日發生倫常慘案，一對年過70嘅父母，懷疑不堪照顧壓力，用鐵錘擊斃47歲嘅女，警方以謀殺罪拘捕兩老，有社福界人士就話，香港暫託服務嚴重不足，照顧者壓力大難以踹息。

警方琴日凌晨接報，有人聲稱殺咗自己嘅女，警員接報到場調查之後，懷疑有人擔心自己年老體弱，難以繼續照顧長期病患嘅女，趁佢瞓咗嗰陣，用鐵錘將佢擊斃。大批警員到場拘捕二人，男疑犯74歲，而78歲嘅女疑犯更要警員攙扶上警車。

關注家居照顧服務大聯盟組織幹事鄧穎怡話，照顧者壓力好大，香港缺乏家居照顧服務，可能一星期先有一次專人上門幫手沖涼，全港又只得160個日間暫託名額，照顧者難以得到支援。