成都宣布改為5+0入境檢疫 鍾南山估計明年上半年復常

2022年12月12日 12:25 赞好

台灣有傳媒報導，有台商近日喺成都隔離嗰陣，收到通知，原本嘅5+3入境檢疫，改為5+0，即係隔離滿5日就可以解除隔離，不過，有台商亦都話，其他城市嘅規則唔一樣，上海、北京、廈門及深圳等地，都繼續維持5+3嘅規定。

近日網絡亦熱傳，今個月或明年一月有機會再減入境檢疫措施，可能縮減至2+3，甚至0+3，徹底取消入境隔離，引起網上熱議。

內地呼吸道疾病專家鍾南山接受訪問嗰陣就話，預計下年一月至二月係感染高峰，去到三月進入平穩期，樂觀估計，下年上半年可以恢復疫情前嘅生活。