FTX創辦人巴哈馬被捕 或被引渡到美國受審

2022年12月13日 14:47 赞好

曾經係全球第二大虛擬貨幣交易所嘅FTX早前宣布破產，創辦人Sam，又被稱為SBF，日前喺巴哈馬被捕，預計會被引渡到美國。

美國曼哈頓檢察官證實Sam被捕嘅消息，但拒絕透露原因，有美國傳媒報道，Sam將被控電訊欺詐、證券欺詐以及洗黑錢等罪。美國證券交易委員亦表明會起訴佢多項罪名。

Sam曾經話，自己冇濫用客戶資金，又認為可以還清所有欠款。FTX破產前，聲稱欠債近80億美金，Sam早前接受訪問，承認犯錯，但由於FTX冇銀行帳戶，當有客戶存入法定貨幣，會自動轉去旗下基金alameda research，而佢唔係負責依個基金，所以唔清楚點解最後款項全數失蹤。