黎智英案延至明年9月開審 控方稱人大未有釋法時間表

2022年12月13日 15:05 赞好

壹傳媒創辦人黎智英涉嫌違反國安法一案，因為要等人大釋法，解釋可唔可以喺關於國安法嘅案件聘請海外大律師。高等法院今日將案件訂喺明年9月25日開審，預計需時40日，至11月21日審結。

控方喺庭上話，由於人大未有釋法時間表，所以申請押後至明年1月3日再訊，但辯方反對，認為人大無將議題排入議程，質疑控方點解有信心人大會釋法，最後法庭直接定審期，決定明年9月25日正式開審。

而辯方又話，黎智英聘請嘅英國御用大律師Tim Owen目前已經離港，因為入境處拒絕發出工作簽證，佢亦有另一宗案件，但要到明年5月先開庭。