內地瘋搶「食療」物資 搶完黃桃搶電解水

2022年12月13日 16:37 赞好

內地近日放寬防控，但唔少民眾都擔心染疫，率先搶購物資防疫，早前網上誤傳黃桃可醫新冠之後，因為北京衛健委指引確診者要注意「水、電解質平衡」，所以唔少民眾又再搶購電解水。

內地有傳媒報道，一個電解水品牌上星期開始斷貨，銷量比平時多咗十幾倍，有專家話，如果出汗太多、有腹瀉先需要補充電解水，一般人飲食正常，唔需要刻意去飲。

而誤傳黃桃可醫新冠，有媒體就話，依個係東北人嘅玄學，以前會話食咗黃桃感冒就好，但《人民日報》已經發文，話黃桃冇法緩解病症。