內地不再公布無症狀感染數字 網傳醫院擠滿病人

2022年12月14日 12:40 赞好

內地近日持續放寬防控措施，過去一日新增2249宗本地確診，國家衛健委今日公布，因為實行願檢盡檢政策，無症狀患者唔再參加核酸檢測，無辦法準確掌握實際數字，所以唔再公布無症狀患者數字。

雖然官方公布嘅確診數不斷下降，但網上流傳多個片段，內地多個城市，包括北京、上海、廣州等嘅發熱門診同埋兒科門診都大排長龍，唔少民眾都到醫院求醫。

確診數未能反映現實，官方就解釋，全國核酸人數下降，醫療機構報告感染者亦相對減少；而疑似病例好多都喺屋企隔離，亦無法納入醫療報告入面。