居英港人中國使館衝突 涉事6中國官員被免職召回

2022年12月15日 11:39 赞好

有幾十名居英港人10月喺中國駐曼徹斯特總領事館外示威，期間示威者與領事館職員發生衝突，有領事館人員將示威者拖入領事館範圍毆打。英國外相祈湛明話，6名涉事中方職員已被免職，並會離開英國，包括中國駐曼徹斯特總領事鄭曦原。

祈湛明話，當地警方要求6名中國官員放棄外交豁免權，接受訊問，但中方喺最後期限前回應，已召回涉事官員，祈湛明認為，反映中方對事件嘅嚴肅性，咁係正當結果，而涉事港人就認為，事件可以告一段落，相信免職係解決複雜外交問題嘅做法。

早前鄭曦原曾經接受訪問，否認喺衝突當中打人，又話無容許官員打人。