網上瘋傳中印士兵衝突片段 印媒澄清是舊片

2022年12月15日 12:15 赞好

中印有士兵喺邊境發生衝突，據報多人受傷，但近日有一段影片喺網上瘋傳，片中有中國士兵企圖推進到印方陣地時被擊退，被指係今次衝突嘅影片，但有印度傳媒澄清，依段影片係上年發生嘅事。

中印士兵經常喺邊界有推撞，今次發生衝突嘅地點喺達旺地區，雙方都聲稱有擁有權，雖然同影片發生嘅係同一地區，但時間並唔一樣。

有報導話，最新一次衝突，規模比上一次細，但自從上年衝突之後，雙方都無改善到邊境緊張局勢。