追蹤馬斯克私人飛機Twitter帳戶遭停用 持有者批雙重標準

2022年12月15日 13:15 赞好

美國大學生史威尼一直利用社交平台Twitter實時公布Twitter老闆馬斯克嘅私人飛機行蹤，不過，佢嘅帳號近日遭到停用，史威尼就批評馬斯克曾經講會守護言論自由，但係宜家雙重標準。

史威尼另一個追蹤馬斯克旗下火箭公司SpaceX員工嘅帳號都被刪除，馬斯克就回應，實時追蹤任何人嘅帳戶，都會引起人身威脅，所以需要封殺，但延遲方式公布就可以接受。

史威尼就批評馬斯克言行不一，佢呼籲用其他平台繼續實時追蹤馬斯克嘅行程。馬斯克未入主Twitter之前，曾要求史威尼停止追蹤，但史威尼開價5000美元，未有被馬斯克理會。