鐵達尼號男主角原可存活？ 占士金馬倫：會找科學團隊驗證

2022年12月19日 16:12 赞好

經典愛情電影《鐵達尼號》上映25年，坊間一直討論，最後男主角Jack為救女主角Rose，主動放棄上去浮木嘅機會，結果凍死喺海中，有人質疑，其實浮木足夠兩個人上去。被問題困擾二十幾年嘅導演占士金馬倫近日宣傳新電影《阿凡達2》嗰陣，就直接回應：「我哋會做一個科學研究回應事件，一了百了。」佢話，會請失溫專家分析，徹底還原事件，相關嘅記錄片會喺下年二月推出。

占士金馬倫話，會請兩名體重相當於jack同埋rose嘅演員，全身放上感應器，再喺冰水上面，考驗佢哋可唔可以兩個都生存到落去，但佢認為，唔存在兩個人都生存嘅方法，最後都係只有一人能夠倖存。