美國要求港產品來源標示中國 世貿裁定不合規

2022年12月22日 11:38 赞好

美國2020年起要求香港出口到美國嘅產品要標記來源地為中國，唔可以再標示係香港。世貿爭端解決機構專家組裁定，美國做法唔符合世貿規則。

政府發聲明回應事件，話專家組充分肯定香港作為單獨關稅區嘅地位，認為美方無理打壓香港產品同埋企業，將經貿問題政治化，已即時去信美國貿易代表，敦促美方尊重裁決，立即撤回其違規嘅措施。

外交部駐港公署亦都話，世貿裁決充分證明，安全例外條款唔係單邊主義同埋霸權主義嘅護身符，奉勸美方切實遵守世貿規則，尊重專家組裁決。