兩岸小三通局部重啟　暫金馬居民優先　2月後再開放

2022年12月22日 15:44 赞好

台灣行政院今日通過方案，準備喺出年1月3日局部重啟小三通，但以金馬地區民眾及內地籍配偶優先，內地客、台商、一般民眾未納入方案，但地方政府可以允許非金馬籍嘅親屬申請搭小三通。來往金門及福建嘅航班，會設定為一日一班，而馬祖至福建就一星期兩班，每個航班可載200幾人。

據指台灣當局會因應疫情發展，考慮2月後再進一步開放小三通。行政院長蘇貞昌話，逐步恢復兩岸人民健康永續交流，係政府政策，各有關部必須要落實防疫情況下執行有關專案，作為推動小三通常態化嘅參考。