旅美大熊貓丫丫樂樂返回中國 動保組織曾質疑疏忽照顧

2022年12月23日 12:40

大熊貓丫丫同埋樂樂二十年黎一直喺美國孟菲斯動物園旅居,近日結束租借期,佢哋將番去中國內地。不過,一直以黎有動保組織質疑動物園疏忽照顧,令佢哋情況欠佳,丫丫更有皮膚病。

外媒發布照片,顯示2020年嘅丫丫身形較為瘦削,更有脫毛嘅情況,動保組織「捍衛動物」亦曾發布影片,丫丫同埋樂樂曾經喺居所附近轉圈,顯示有精神同埋情緒問題,獲大批網民關注。

但動物園否認指控,指丫丫嘅皮膚問題係遺傳所致,動物園一直盡全力為大熊貓提供高質量照顧。現年樂樂24歲,而丫丫就22歲,已經比野生大熊貓長壽超過十年。

相關新聞