曾志豪稱結束明報專欄 曾多次被政府點名批評

2022年12月30日 11:47 赞好

已移居台灣嘅專欄作家曾志豪多次被政府點名批評專欄文章，佢今日喺《明報》發表名為「我的最後一篇《明報》稿」，話專欄會結束，又講到有負責人叫佢唔洗再寫。

曾志豪話，雖然不甘心，但就係非常和平嘅分手，佢又話，唔洗猜測同保安局長鄧炳強嘅點名有無關係，又認為2022年嘅香港，係「一個在網上發文、轉載也會危害國家安全的年代」，就算失去一個專欄都無需過問。

曾志豪嘅專欄曾被鄧炳強多次點名批評誤導，包括質疑政府要求Google頂置國歌事件。