新西蘭總理突然請辭　曾經是全球最年輕女性領袖

2023年01月19日 16:19 赞好

新西蘭女總理阿德恩突然宣布辭職，震驚當地政壇。阿德恩話，佢已經冇精力帶領工黨喺大選之中勝出，所以決定退位，佢將會繼續就任議員。目前工黨喺民調之中落後。

今年42歲嘅阿德恩，2008年只係28歲就做國會議員，2017年成為工黨領袖，同年出任總理，係當時全球最年輕嘅女性國家領袖。

阿德恩擔任總理以黎，民望一直唔錯，阿德恩政府處理疫情得宜，化解任內各種危機，但目前經濟未能穩定，令民望有所下降，佢亦提到，想有更多時間放喺家庭之上，所以無意繼續擔任總理。