2023年01月19日 17:25 赞好
世界職業桌球與士碌架協會宣布，會就中國桌球手打假波嘅事件召開獨立紀律聆訊，十名涉嫌打假波嘅中國桌球手需要出庭答辯。 十名中國桌球手，包括世界排名第9嘅趙心童、2016年英格蘭公開賽冠軍梁文博、世界排名16嘅顏丙濤、以及李行、魯寧、張健康、陳子凡、常冰玉、趙劍波、白朗寧，依啲都係中國頂級桌球手。 佢哋被指操縱賽果、要求其他球手作弊、賭博等等，宜家都被禁止參與比賽，直至聆訊結束。中國最頂級嘅桌球手都近乎被禁賽，對球壇打擊相當之大。