灣仔連撞六車 揭87歲的士司機一星期兩意外

2023年01月20日 11:47 赞好

灣仔琴晚發生交通意外涉及七架車，一名87歲姓梁司機，揸著一架無乘客嘅的士，喺告士打道先撞到一架私家車，但司機冇發覺，轉入小路之後，再撞跌三架電單車，之後的士繼續行，再撞到一架貨車以及七人車。

的士司機要途人喝止先停車，救護員到場，司機就話唔需要送院，又強調自己駕駛冇問題，但車行職員到場助查嘅時候，就話司機上星期曾組喺金鐘翻車，公司要用十幾萬買新車，今次再撞6架車，公司唔會再租車俾佢。

事件引起對高齡司機關注，根據資料，香港有超過6200名80歲以上嘅司機，最年長甚至有100歲。