江蘇13歲小孩告父親拒還利是錢 法院判父15天內還錢

2023年01月20日 12:16 赞好

江蘇邳州市兩名13歲嘅小朋友，要求父親歸還16800蚊人民幣利是，邳州市人民法院最後判父親要15日內還錢。

原來兩名小朋友嘅父母離異，兩子女由姓吳嘅媽媽撫養，但姓周嘅爸爸以代為保管名義，喺2020年起就唔願歸還利是錢，兩名子女多次要求，周都拒絕，最後二人向法院起訴爸爸。

法院話，利是錢係傳統民間風俗，應該分別屬於兩名原告嘅個人財產，而保護原告嘅財產權益，應該係兩名原告嘅媽媽，所以判父親要還錢。