前英首相約翰遜稱曾受普京威脅「發射導彈只需一分鐘」

2023年01月31日 16:32 赞好

前英國首相約翰遜近日接受英國傳媒訪問，當中提到，俄烏戰爭開戰前，佢曾經警告俄羅斯總統普京唔好開戰，否則會受到西方國家制裁，但普京反而話，唔想傷害約翰遜，但發射一粒導彈只要一分鐘。

不過，約翰遜話，普京當時語氣比較放鬆，可能只係討價還價嘅策略。約翰遜又話，當時俄羅斯入侵烏克蘭之後，烏國總統澤連斯基緊急致電佢，約翰遜形容澤連斯基非常鎮定，佢提出可以幫助澤連斯基轉移到安全地區，但被拒絕。

有報導又話，當時英國派員訪問俄羅斯，曾經獲俄方保證唔會入侵烏克蘭，但最後俄羅斯違反諾言。