日本網絡惡搞潮 女便利店職員故意店內漏尿

2023年02月03日 11:18

日本惡搞潮持續,繼早前有高中生喺迴轉壽司店舔豉油樽之後,網上最新瘋傳一段影片,一名便利店女員工故意喺店入面「漏尿」,再放上社交網站。

便利店位於宮城縣名取市,一名女店員同拍片者先喺度玩香口膠,將香口膠粘喺店入面嘅鏡上面,之後更故意喺收銀台拉低褲鏈「漏尿」。

有日本網民就批評,依種行為係「打工族恐怖襲擊」,而不斷有依種惡搞影片放上網「炫耀」,有人就認為係宜家嘅人太想喺網上搏取注意。

相關新聞