內地進入流感高峰期現搶藥潮　官媒呼籲勿囤恐慌

內地近日進入流感高峰期，甲型流感成為主要流行病毒，常用藥「奧司他韋」成為民眾瘋搶嘅對像，有官媒就呼籲，唔好囤積「恐慌」。

內地經歷新冠大流行之後，再次面對流感高峰期，甲型流感病毒佔咗當中嘅99%，上海，浙江、天津等多地因為爆發流感而停課，河南有學校近200名學生發燒同埋頭痛。

被內地民眾稱為神藥嘅「奧司他韋」,多地都出現斷貨潮，人民網就發表評論，呼籲民眾樹立起科學嘅健康觀念同埋用藥常識，唔好盲目囤積不必要嘅恐慌。