中美晶片戰　蓋茨：永遠無法阻止中國發展先進晶片

2023年03月03日 15:47 赞好

近年美國多次制裁中國嘅晶片公司，又禁止向中國出口技術。微軟創辦人比爾蓋茨近日接受訪問就話，美國無法永遠阻止中國擁有先進嘅晶片，又話對目前中美嘅關係感到失望。

佢話，美國只係迫使中國花費時間同埋金錢製造自己嘅晶片，咁嘅結果只係阻止美國向中國出售晶片，但無法阻中國發展晶片，考慮到中國嘅發展速度，睇唔到咁樣對美國帶來咩好處。

佢又話，世界上最重要嘅關係就係中美關係，但對於近年嘅演變感到失望以及擔心。