英議員要求港府釋放毛孟靜探病 她丈夫稱不知情不同意

2023年03月06日 13:01 赞好

英國多名國會議員去信英國外相祈湛明，要求當局向港府爭取釋放前立法會議員毛孟靜，等佢可以探望病危嘅丈夫菲臘寶靈，不過，寶靈日前發表聲明，話自己已經離開深切治療部三個星期，又已經出院，強調唔同意英國國會嘅做法以及唔知情。

寶靈話，英國國會以及組織事前冇通知、聯絡佢，佢亦唔同意有關做法，目前毛孟靜未有考慮申請保釋。寶靈早前感染肺炎，一度傳出病危入住深切治療部。

而毛孟靜因為參與民主派初選，涉嫌違反《港區國安法》，2021年至今一直被還押當中。