瑞士三角朱古力換包裝　不能顯示標誌馬特洪峰

知名朱古力品牌三角朱古力Toblerone最近要更換包裝，唔再使用標誌山峰「馬特洪峰」。英國傳媒報導，因為三角朱古力嘅生產線轉移到斯洛伐克，製造商打算用較普通嘅阿爾卑斯山峰取代馬特洪峰，包裝將會重新設計，引入流線形嘅山峰標誌。

由於2017年瑞士通過新法案，任何食品或產品要使用瑞士國旗以及其他指標，需要80%原材料來自瑞士，大部分加工都要喺瑞士進行，除非有原料無法喺瑞士本土取得，而三角朱古力自1908年就喺瑞士首都伯爾尼生產，但今年將會轉移到斯洛伐克，所以包裝亦要改變。