武漢大學校長反對高校禁用AI 認為「堵不如疏」

2023年03月08日 16:18 赞好

近年興起AI熱潮，唔少人都爭相使用對話程式ChatGPT方便日常工作，但有學生就利用人工智能做功課考試，導致有學校禁用。武漢大學校長張平文近日就話，對待人工智能應該「堵不如疏」，唔贊成有高校禁止使用，佢認為，年輕人使用高科技嘅願望，一紙禁令無法阻擋。

身兼全國政協委員嘅張平文話，如今年輕人係「數字原居民」，當生活模式發生變化，應該用積極態度擁抱社會進步，佢又話，高校可以引導學生，喺唔觸碰學術規範紅線情況下，利用人工智能進行學術訓練，面對科技，老師都要虛心向學生學習。