2023年03月09日 12:01
政府計劃修訂條例，允許合資格嘅非本地培訓護士喺香港指定機構執業。醫務衛生局向立法會提交文件，話本地護士嚴重不足，預計未來普通科護士嘅人力差距會擴大，而醫管局嘅註冊護士同埋登記護士流失率係9.1%以及12.8%，大幅提升培訓額度有實際限制，所以要引入人手。
當局建議非本地培訓嘅有限度註冊護士，不論係唔係香港永久性居民，都可以喺護士訓練學校、校舍以及護養院等埸所執業，特別註冊護士只要喺一間或多於一間嘅指明機構全職受僱一定年期，如果工作表現稱職，就有資格喺香港註冊。