廣東河源一日兩次地震　當局稱進入地震活躍期

廣東河源琴日清晨以及下午發生咗兩次分別4.5級以及3.4級嘅地震，就連廣州、深圳都有震感，廣東地震台副台長王力偉話，廣東目前進入地震比較活躍嘅時段。

佢話，地震發生喺新豐江水庫，係正常地震活動，而近期河源地區嘅地震有增強，但目前都發生喺正常範之內。

王力偉判斷，目前廣東屬於第二個大周期嘅第V地震活躍幕，係比較活躍嘅地震期。