消委會測市面10款家用監控鏡頭 僅一款符合網絡安全標準

2023年03月15日 12:11 赞好

消委會測試市面出售嘅十款家用監控鏡頭，發現有9款都有安全漏洞，只有一款符合歐洲網絡安全標準，當中更有款式有嚴重漏洞。

消委會測試發現，10款當中只有Arlo嘅防攻擊以及資料傳送嘅安全性達到最高分，其餘包括小米、「imou」、「TP-Link」、「reolink」等等都有安全問題，最嚴重嘅係reolink，當登出帳戶並登入另一帳戶之後，仍然可以睇到已登出帳戶嘅監控影像。

消委會建議唔好買來歷不明嘅品牌以及產品，除咗品質冇保障，網絡安全都唔完善，並建議搵專人上門安裝鏡頭，之後立即更換密碼。