美軍無人機墜落黑海 稱遭俄羅斯軍機碰撞

2023年03月15日 15:22

美國空軍一架型號叫做死神嘅無人機喺接近烏克蘭克里米亞嘅黑海水域墜落,美軍話被俄羅斯軍機干預以及攔截,最後發生碰撞墜落黑海,而俄方就話係無人機失控墜海,雙方冇發生任何接觸。

美軍批評俄羅斯魯莽以及非專業,但認為俄軍撞擊無人機唔係故意,美國國務院傳召俄羅斯駐美大使安東諾夫表達不滿,安東諾夫批評美方無人機進入俄國領域係挑釁,但強調俄方無意同美國衝突。

俄羅斯國防部話,由於無人機冇開應答機,所以派出戰機起飛,但無人機之後失控墜海。

相關新聞