商人郭文貴紐約被捕 涉詐騙追隨者逾10億美元

2023年03月16日 11:32

內地商人郭文貴逃亡美國多年,佢日前喺紐約被捕,涉嫌欺詐追隨者超過10億美元,又被沒收6億欺詐收益,郭文貴否認指控,計劃申請保釋。

美國當局指控郭文貴透過參與虛擬貨幣投資等,詐騙追隨者,所得款項用黎買大屋、名車、遊艇等等,而紐約證交會亦指控郭文貴參與未註冊及欺詐性發行,郭文貴被捕之後,佢持有嘅酒店頂層發生火警,當局調查緊係唔係同案件有關。

郭文貴2014年由內地逃亡到美國,內地當局指控佢涉嫌強姦、勒索、賄賂等罪行,佢喺美國化身為反共先鋒,多次喺網絡上批評內地,吸引咗一班追隨者。

相關新聞