Meta再裁員一萬人 傳多名高層離職士氣不穩

2023年03月16日 15:02 赞好

Meta行政總裁朱克伯格宣布，將會計劃再裁員一萬人，又會放棄招聘緊嘅5000個職位，咁係繼上年11月裁員1萬1千人之後，Meta再度大規模裁員。

朱克伯格話，會喺4至5月公布裁員名單，會先重組技術部門，之後到商業部門，各部門都會凍結調職以及招聘，估計要用近50億美元，大約390億港幣嘅重組成本。

另外，有傳媒指Meta內部員工士氣不穩，已經有多個高層辭職，包括美洲銷售副總裁以及商務總監。