
2023年03月17日 11:44
香港國際機場琴日登機系統發生大故障,導致大批旅客未能登機,滯留離境大堂,香港資訊科技商會榮譽會長方保僑就質疑,點解後備系統冇啟動,立法會議員易志明就希望航空公司提早通知乘客。
方保僑話,一般機場大型系統都有應急系統,但今次後備系統冇啟動,可能涉及數據庫問題。而易志明就話,機場事故冇通報機制,機管局應該進行內部檢討,而航空公司應該提早通知乘客。
機管局就解釋,當日清晨進行年度轉換系統演習,測試嗰陣順利,但轉番原本系統就出現問題,當時已啟動應變機制,通知航空公司。