香港先派一萬張機票　東南亞旅客可「買一送一」

2023年03月17日 12:32 赞好

香港政府早前宣布向外地旅客派發機票，振興香港旅遊業。旅遊業議會由今日開始，會俾旅行社申請免費機票，首階段有一萬張來回香港、東南亞城市嘅機票，旅客要先買一張機票，就可以免費換領一張。

派機票活動會分為六個階段，香港嘅旅行社會分配到5萬張，來回機票包括東南亞國家、日韓、台灣，另外又有由香港出發嘅機票，留俾香港市民。

旅議會總幹事楊淑芬話，超過200間旅行社會參加活動，每間都有相關經驗，而預計每個城市可獲分20張機票。