恐怖車禍 的士撞貨車尾著火 司機疑活活燒死

北大嶼山公路今朝發生恐怖奪命車禍，一架貨車追撞前面貨車之後停低，但一架的士懷疑收掣不及，直接撞貨車尾之後起火，司機喺逃生唔到嘅情況下，最後監生燒死。

事發今日凌晨4點幾，根據網上片段，一架貨車喺慢線追撞前面貨車，被撞嘅貨車駛向路肩，但追撞嘅貨車就所有指示燈都熄咗，慢駛向快線之後停低，結果有一架的士收掣不及撞上貨車之後起火。

另一片段可見，的士火勢猛烈，整架車都陷入火海，有消防員到場灌救，的士司機當場喪生，而貨車司機就送院接受治療。