專家建議50歲以上人士打一針加強劑 劉宇隆：不用每年打針

2023年03月30日 11:44 赞好

香港雖然已經取消疫苗通行證，但仍然可以接種新冠疫苗，專家委員會琴日開會之後，決定建議50歲以上嘅高風險人士，打完第三針之後半年，可以再打一針加強劑。

疫苗可預防疾病科學委員會主席劉宇隆話，唔等於市民每年都要打新冠疫苗，依個建議只適用喺2023年，佢又話，世衛建議不一定同本地專家相同，香港專家參考咗唔同數據，之後喺科學委員會得出共識。

劉宇隆又話，專家仍未清楚新冠病毒嘅季節性，又話病毒變種好快，疫苗點樣都追唔上病毒變種速度。