政府擬罰冰球隊減資助 港隊成員：為何別人播錯歌但罰我們

2023年04月06日 10:43 赞好

港隊冰球隊2月喺波斯尼亞出賽之後，主辦方播錯國歌，冰協疑無跟程序向當局拎國歌，被指管理不善，政府考慮削減資源懲罰。不過，冰球隊成員顏卓朗就擔心，如果削減資助會影響練習，因為本來冰球隊就資源唔多，又話難以理解點解人哋播錯歌，佢哋要受罰。

顏卓朗早前喺新加坡嘅比賽奪得最佳球員，佢喺，喺波斯尼亞比賽期間，20名球員有7個人病咗，部分人之後喺新加坡要帶病上陣，仲有人幾乎咳出血，之後喺賽事拎咗第三名，但因為國歌事件，冇人關心港隊成績。

佢又對冰球隊要受罰難理解，話「傷感多過嬲」，唔明白點解人哋播錯歌，但佢哋要受罰。