夏寶龍繼續考察行程 飲早茶探訪長者中心

2023年04月14日 11:57

港澳辦主任夏寶龍今日繼續考察香港之旅,佢今朝喺特首李家超、民政及青年事務局局長麥美娟陪同之下,去到九龍灣一間酒樓飲早茶,大約一個幾鐘之後離開。

夏寶龍之後去到深水埗地區康健中心以及同區嘅康齡社區服務中心視察,有職員話,夏寶龍同幾名長者義工以及照顧者見面,互相分享感受,夏寶龍亦有鼓勵佢地。

之後夏寶龍又去到工聯會喺土瓜灣嘅總部,會長吳秋北、理事長黃國到場迎接,之後夏寶龍會參觀學校,以及香港嘅重點發展項目。

相關新聞