習近平考察廣東 稱粵港澳大灣區建設「重中之重」

2023年04月14日 15:21 赞好

國家主席習近平日前考察廣東，佢喺琴日聽取廣東省政府工作匯報之後，話粵港澳大灣區喺全國新發展格局中具有重要戰略地位。

習近平話，將粵港澳大灣區建設作為廣東深化改革開放嘅大機遇、大文章抓緊做實，擺喺重中之重，以珠三角為主陣地，舉全省之力做好依件大事，令粵港澳大灣區成為新發展格局嘅戰略支點、高質量發展嘅示範地、中國式現代化嘅引領地。

佢又話，要推進創新鏈產業鏈資金鏈人才鏈深度融合，不斷提高科技成果轉化同埋產業化水平，打造具有全球影響力嘅產業科技創新中心。要推進粵港澳大灣區人才高地建設，形成高端科創人才聚集效應。