岸田遇襲後支持度大升　疑犯被搜出水果刀疑另有計劃

2023年04月17日 16:11 赞好

日本首相岸田文雄日前出席輔選活動嗰陣，被人投擲爆炸物，但冇被擊中，24歲疑犯木村隆二當場被捕，警方喺佢身上搜出一把水果刀，懷疑佢另有計劃。

警方調查事件，研判疑犯係唔係為左襲擊岸田而黎到現場，會考慮以殺人未遂進行調查。疑犯被捕之後保持緘默，有傳媒訪問到木村嘅同學及鄰居，話疑犯中學之後變得內向，喺屋企時常被爸爸喝罵。

有專家認為，可能係前首相安倍遇襲之後，出現模仿犯，而岸田遇襲之後，支持度上升10個百分點，有4成5人支持佢。