蔡瀾稱自己「股頸骨摔碎」仍在醫院休養 「手尾很長」

2023年04月18日 16:04 赞好

被譽為香港四大才子嘅作家蔡瀾近一個月冇喺社交平台更新自己嘅日記，佢今日透露，自己「股頸骨摔碎」，雖然醫生已經幫佢換左一塊金屬，但宜家仍然喺醫院休養，而且「手尾好長」，導致佢心情唔好，難以再寫日記。

蔡瀾近年好鐘意喺Facebook分享自己所見所聞以及飲飲食食，但近月冇更新日記，惹黎外界擔心佢嘅健康問題，結果原來係因為跌低而住院多日。

今年81歲嘅蔡瀾，曾經從事電影製片，亦鐘意到處品嘗美食，寫食評，唔少食店都可以睇見佢留影，之前佢批評香港嘅日式「廚師發辦」係當顧客傻仔，惹起爭議。