紐約曼哈頓停車場倒塌 造成1死5傷

2023年04月19日 16:38 赞好

紐約曼哈頓一棟大廈停車場發生崩塌意外，樓頂一層突然倒塌，多人受傷，最少一人死亡，搜救人員調查緊有冇人仍然被困。

事件發生嗰陣，因為係返工時間，停車場又喺華爾街附近，所以泊滿哂車，消防出動搜救之後，因為擔心有進一步倒塌風險，所以撤退改由機械人搜索。

紐約當局呼籲市民避免前往意外區域，停車場附近嘅大學亦宣布停課。有網民質疑，係唔係太多電動車導致停車場超重，因為電動車平均比燃油車重30%，早前亦有工程師警告舊式停車場因為唔係現代設計，會有倒塌風險。